Karfan

Nýjasti þáttur hlaðvarpsins Sjötti maðurinn er nú kominn í loftið. Í þættinum setjast þeir Ögmundur Árni, Mikael Máni og Gunnar Bjartur niður og gera upp nýafstaðið tímabil í körfuboltanum af sinni alkunnu snilld. Farið er yfir helstu hápunkta og dramatíkina sem einkenndi veturinn, auk þess sem strákarnir veita sín eigin verðlaun fyrir tímabilið og rýna í það sem stóð upp úr hjá liðunum. Auk þess að horfa til baka hleypa þeir hlustendum í ferðalag fram í tímann og spá í spilin fyrir næsta vetur. Mikil eftirvænting ríkir fyrir sumrinu og ræða þeir ítarlega hvernig leikmannamarkaðurinn muni þróast á næstu mánuðum, hvaða hræringar séu líklegar og hvaða lið gætu styrkt sig mest fyrir komandi átök. Sjötti maðurinn er í boði Bónus, Tactica, Lengjunnar, Kristalls og Lykils Samstarfsaðilar Körfunnar eru Bónus, Tactica, Lengjan, Kristall og Lykill. Hér heimsækir þú Körfuna

Aukasendingin fékk góða gesti í hlaðvarpið þegar Strikerinn og Jónfrí mættu til að ræða málin. Í þættinum var farið yfir allt það helsta og rýnt í nýjasta slúðrið um leikmanna- og þjálfarabreytingar í Bónus og fyrstu deildunum á Íslandi. Auk þess að kryfja félagaskiptamarkaðinn fóru gestir og stjórnendur í árlega verðlaunaafhendingu þáttarins, þar sem meðal annars voru veitt verðlaun fyrir besta formanninn, besta leikmanninn, versta erlenda leikmanninn og senu ársins, ásamt því að verðlauna bestu stuðningsmennina, fjölmiðlamann ársins og hlaðvarp ársins. Áhugasamir geta nálgast þáttinn á öllum helstu hlaðvarpsveitum undir nafni Körfunnar. Aukasendingin er í boði Kristalls, Lykils, Bónus, Lengjunnar og Tactica. Samstarfsaðilar Körfunnar eru Bónus, Tactica, Lengjan, Kristall og Lykill. Hér heimsækir þú Körfuna

Nýjasti þáttur Aukasendingarinnar er mættur í loftið og er óhætt að segja að nóg sé um að vera. Stjórnandi þáttarins Davíð Eldur fékk góða gesti í stúdíóið að þessu sinni, þá Jónfrí og Strikerinn Árna Jó. Helstu umræðuefni þáttarins eru nýkrýndir Íslandsmeistaratitlar Njarðvíkur og Grindavíkur, ásamt því að farið er yfir helstu fréttir vikunnar og rýnt í önnur hlaðvörp sem tengjast íþróttinni. Þá var einnig vikið að sveitastjórnarkosningunum og áhrifum þeirra, sem og ráðningu Baldurs sem nýs þjálfara á Álftanesi, sem hefur vakið mikla athygli. Þá er einnig spáð í spilin með hver muni taka við af honum sem þjálfari Stjörnunnar. Sérstök athygli er vakin á sturlaðri frammistöðu Jeremy Pargo fyrir Grindavík, en leikmaðurinn hefur verið stórkostlegur að undanförnu og heillað alla upp úr skónum. Gestirnir létu sig heldur ekki vanta í að kryfja nýjasta slúðrið úr boltanum og margt fleira sem er að gerast á bak við tjöldin. Aukasendingin er aðgengileg á rás Körfunnar á öllum hlaðvarpsveitum. Aukasendingin er í boði Kristalls, Lykils, Bónus, Lengjunnar og Tactica. Samstarfsaðilar Körfunnar eru Bónus, Tactica, Lengjan, Kristall og Lykill. Hér heimsækir þú Körfuna

Í nýjasta þætti Aukasendingarinnar, hlaðvarps Körfunnar, kafa þeir Jónfrí og Strikerinn Árni Jó ofan í sviðsmyndina sem gæti blasið við í úrslitakeppni Bónus deildarinnar strax í kvöld og á morgun. Spennan er á suðupunkti þar sem tímabilið gæti hreinlega klárast ef Njarðvík nær að knésetja Hauka og Grindavík fylgir því eftir með sigri á Tindastól á morgun.  Sérstök athygli er vakin á ótrúlegu gengi Grindavíkur og rýnt í það hvaða lykilþættir liggja að baki frammistöðu þeirra, ásamt því að farið er yfir þau mál sem mikið hefur verið rætt um í eftirmálum síðasta leiks liðsins í Síkinu. Umræðan er ítarleg og hreinskilin eins og þeim Jónfrí og Strikernum er einum lagið, þar sem ekkert er dregið undan þegar kemur að greiningu á stærstu augnablikum tímabilsins fram að þessu. Aukasendingin er aðgengileg á öllum hlaðvarpsveitum undir nafni Körfunnar. Samstarfsaðilar Körfunnar eru Bónus, Tactica, Lengjan, Kristall og Lykill. Hér heimsækir þú Körfuna

Í þessum síðasta þætti af Sjötta manninum er farið yfir oddaleiki í úrslitakeppni Bónus deildar karla. Grindavík tryggði sér sæti í úrslitum eftir mikla baráttu og Tindastóll fylgdi þeim eftir með sigri á Stjörnunni. Nú er stóra stundin runnin upp og hitað er rækilega upp fyrir sjálft úrslitaeinvígið milli Tindastóls og Grindavíkur sem er að hefja göngu sína, en búast má við mikilli spennu og troðfullum húsum í þeirri rimmu. Auk úrslitakeppninnar í efstu deild er rýnt í lokabaráttuna í fyrstu deild karla þar sem Sindri og Breiðablik berjast um laust sæti meðal þeirra bestu. Fastir liðir eru á sínum stað, þar á meðal fréttir vikunnar og góð vika / slæm vika þar sem málefni líðandi stundar eru sett í samhengi. Sjötti maðurinn er sem fyrr aðgengilegur undir nafni Körfunnar á öllum hlaðvarpsveitum. Sjötti maðurinn er í boði Bónus, Tactica, Lengjunnar, Kristalls og Lykils Samstarfsaðilar Körfunnar eru Bónus, Tactica, Lengjan, Kristall og Lykill. Hér heimsækir þú Körfuna

Nýjasti þáttur Aukasendingarinnar er kominn út, en hann er hægt að nálgast hér fyrir ofan, sem og á öllum hlaðvarpsveitum undir nafni Körfunnar. Í þessum þætti Aukasendingarinnar er kafað djúpt í dramatíkina sem fylgdi oddaleikjum undanúrslitanna í Bónus deild karla. Mummi Jones og Jónfrí mæta í stúdíóið og fara yfir magnaðan sigur Tindastóls á Stjörnunni, ásamt því hvernig deildarmeistarar Grindavíkur lögðu Val að velli í oddaleik í HS Orku höllinni. Rýnt er í hvað fór úrskeiðis hjá tapliðunum, velt vöngum yfir framtíðarskipulagi Vals og Stjörnunnar eftir svekkjandi endalok og dregið fram það helsta sem gladdi augað í þessum ógleymanlegu seríum. Leiðin að titlinum er síðan skoðuð í þaula fyrir komandi úrslitaeinvígi Tindastóls og Grindavíkur. Sérfræðingar þáttarins spá í spilin fyrir leikina sem fram undan eru, ræða hvaða lykilatriði munu ráða úrslitum og setja saman sameiginlegt „besta byrjunarlið“ beggja úrslitaliða sem væri nánast óstöðvandi. Að lokum fer Aukasendingin yfir þá þætti sem fólk vill sjá í baráttunni um sjálfan Íslandsmeistaratitilinn. Aukasendingin er í boði Kristalls, Lykils, Bónus, Lengjunnar og Tactica. Samstarfsaðilar Körfunnar eru Bónus, Tactica, Lengjan, Kristall og Lykill. Hér heimsækir þú Körfuna

Nýjasti þáttur Aukasendingarinnar er kominn í loftið þar sem þeir Jónfrí og Strikerinn Árni Jó mæta til leiks í hljóðverið. Það er af nógu að taka enda úrslitakeppni Bónus-deildanna í hámarki. Farið er yfir ótrúlegan viðsnúning í undanúrslitum karla og kvenna þar sem Stjarnan og Grindavík hafa bæði misst niður 2-0 forystu í 2-2 gegn Tindastóli og Njarðvík. Mikil eftirvænting ríkir fyrir komandi oddaleiki, en þrír af fjórum undanúrslitum deildanna ráðast í hreinum úrslitaleikjum sem undirstrikar þá gífurlegu spennu sem ríkir þessa dagana. Auk ítarlegrar yfirferðar um gang mála á vellinum er rýnt í málin utan hans. Strákarnir gagnrýna aðgang blaðamanna að leikjum, taka góða dýfu í dómaraumræðuna og fara yfir skuggahliðar stemningsinnar, þar á meðal átök stuðningsmanna á bílastæðinu í Garðabæ. Þátturinn er þó ekki eingöngu helgaður íþróttum því sveitastjórnarkosningar ber á góma, Jónfrí kynnir nýja lagið sitt „Djúpfalsað efni“ og slúðurhornið er á sínum stað þar sem farið er yfir það sem er að gerast bak við tjöldin í boltanum. Aukasendingin er aðgengileg á öllum veitum undir nafni Körfunnar. Þátturinn er í boði Kristalls, Lykils, Bónus, Lengjunnar og Tactica. Samstarfsaðilar Körfunnar eru Bónus, Tactica, Lengjan, Kristall og Lykill. Hér heimsækir þú Körfuna

Nýjasta Aukasendingin er nú komin út og þar er rætt um margt fleira stiklað er á hér, en brennidepillinn er að sjálfsögðu hin gríðarlega spenna í undanúrslitum Bónus deildar karla.  Gestir þáttarins að þessu sinni eru Strikerinn Árni Jó og Jónfrí, sem fara yfir það hvernig Stjarnan hefur náð 0-2 forystu gegn Tindastóli og jafnræðið í einvígi Vals og Grindavíkur þar sem staðan er 1-1. Rýnt er í viðbrögð þjálfaranna og hitann á Bónus spjallinu og að sjálfsögðu skrefadóminn. Auk þess að kryfja leikina sjálfa fara þeir Árni og Jónfrí víðar og ræða sitthvað sem tengist körfuboltasamfélaginu á óvæntan hátt. Teknar eru fyrir stóru fréttirnar úr Vesturbænum þar sem KR hefur gengið frá samningum við þá Linards og Jakob. Aukasendingin er aðgengileg á öllum veitum undir nafni Körfunnar. Þátturinn er í boði Kristalls, Lykils, Bónus, Lengjunnar og Tactica. Samstarfsaðilar Körfunnar eru Bónus, Tactica, Lengjan, Kristall og Lykill. Hér heimsækir þú Körfuna

Í nýjasta þætti Aukasendingarinnar rýna Strikerinn og Jónfrí í spennandi undanúrslit Bónus deildarinnar þar sem nóg er um að vera. Helsta spurningin sem brennur á mönnum er hvort Stjörnumenn geti staðið af sér storminn gegn firnasterku liði Tindastóls, sérstaklega þar sem þeir verða án lykilmannanna Ægis Þórs og Orra Gunnarssonar. Á sama tíma er velt upp hvort Valur mæti með aukna orku og sjálfstraust inn í einvígið gegn Grindavík eftir að hafa haft betur í krefjandi fimm leikja seríu gegn Keflavík, eða hvort þreytan fari að segja til sín gegn deildarmeisturunum. Umræðan snýst einnig að því hvort Grindavík geti haldið sínu striki og haldið áfram að vinna mikilvæga leiki eða hvort Stólarnir séu einfaldlega á þeim stað að þeir muni rúlla yfir alla mótstöðu á leið sinni að titlinum. Sérfræðingarnir fara yfir styrkleika Tindastóls sem virðist vera að toppa á réttum tíma en spá líka í spilin hjá þeim liðum sem eru komin í sumarfrí. Sérstök athygli er beind að Keflavík og hvaða breytingar þurfi að eiga sér stað í herbúðum þeirra í sumar til að liðið geti aftur blandað sér af alvöru í baráttuna um stóru titlana á næsta tímabili. Aukasendingin er aðgengileg á öllum veitum undir nafni Körfunnar. Þátturinn er í boði Kristalls, Lykils, Bónus, Lengjunnar og Tactica. Samstarfsaðilar Körfunnar eru Bónus, Tactica, Lengjan, Kristall og Lykill. Hér heimsækir þú Körfuna

Í nýjasta þætti Aukasendingarinnar fara þeir Árni Jó, betur þekktur sem Strikerinn, og Jónfrí yfir dramatíkina í 8-liða úrslitum Bónus deildar karla. Miðpunktur umræðunnar er svakalegur sigur Stjörnunnar gegn KR, sem sendi Vesturbæinga beint í sumarfrí ásamt liðum ÍR og Njarðvíkur. Farið er yfir hvernig Garðbæingar sýndu mikla seiglu á meðan vonbrigðin í Vesturbænum eru rædd í þaula. Sjónum er einnig beint að öðrum einvígum þar sem yfirburðir Tindastóls vöktu verðskuldaða athygli og lýst er yfir ákveðinni vantrú á gengi Grindvíkinga. Þá er spennan í hámarki fyrir oddaleik Vals og Keflavíkur, en gestirnir rýna í það hvað muni skilja á milli liðanna í lokaleiknum um sæti í undanúrslitum. Aukasendingin er aðgengileg á öllum veitum undir nafni Körfunnar. Þátturinn er í boði Kristalls, Lykils, Bónus, Lengjunnar og Tactica. Samstarfsaðilar Körfunnar eru Bónus, Tactica, Lengjan, Kristall og Lykill. Hér heimsækir þú Körfuna